राजनितिक ईतिहांस बोकेको बिराटनगर माहानगरपालिकामा कांग्रेस पछार्न बिपक्षीदल एमाले देखि राप्रपा नेपाल सम्मका राजनितिकदलहरु तालमेल गर्दै चुनाबी प्रचारमा जुटेका छन ।

तर,एक्लै चुनाबी मैदान उत्रिएको नेपाली कांग्रेस तालमेल गठबन्धनका अगाडी भारी बन्दै गएको छ । कांग्रेसको एक्लो प्रतिश्पर्धा र अन्य राजनीतिक दलहरुबीच गठबन्धनका कारण पनि विराटनगर महानगरपालिकाको निर्वाचनमा कडा प्रतिस्पर्धा हुने देखिएको छ ।

 
नेकपा एमाले र लोकतान्त्रिक फोरम नेपाल,संघीय समाजवादी फोरम नेपाल र नेकपा माओवादी केन्द्रबीच प्रमुख र उपप्रमुख पदका लागि गठबन्धन भएका कारण निर्वाचनमा कडा प्रतिस्पर्धा हुने देखिएको हो ।

 
विराटनगर महानगरपालिकामा प्रमुखको पदमा नेपाली काँग्रेसका भीम पराजुली, एमालेका विनोद ढकाल, उपेन्द्र यादव नेतृत्वको संघीय समाजवादी फोरम नेपालका उमेश यादव र राप्रपाका प्रह्लाद साहबीच कडा प्रतिस्पर्धा हुने निर्वाचन प्रचारमा खटिएका कार्यकताहरु नै बताउछन ।

 
यस्तै राजनीतिक दलबाट किट नपाएपछि स्वतन्त्र रुपमा उठेका उमेद्वारहरुले पनि चारदलका उमेद्वारहरुलाई समस्या देखिएको छ । एक लाख १४ हजार मतदाता रहेको बिराटनगरमा नेपाली कांग्रेस भने एक्लै प्रतिस्पर्धामा उत्रिएको छ । गठबन्धन गरेका अन्य प्रमुखदल र स्वतन्त्र उमेद्वारलाई पछाडी पार्दै जित निकाल्ने रणनितिमा रहेको कांग्रेस नेताहरु बताउछन ।

 
काँग्रेसले कुनै पनि दलसँग गठबन्धन नगरी प्रमुख, उपप्रमुखलगायत महानगरका १९ वटै वडाका अध्यक्ष र सदस्यमा उम्मेदवारी दर्ता गराएका छन् । अन्य दलले पनि सोही अनुरुप वडाहरुमा उम्मेदवारी दर्ता गराएका छन् ।