विद्युतीय बस निर्माण गर्न प्रधानमन्त्रीको आग्रह

काठमाडौं प्रधानमन्त्री केपी शर्मा ओलीले निजी क्षेत्रलाई विद्युतीय बस निर्माण गर्न आग्रह गरेका छन् । प्रधानमन्त्री ओलीले नेपाल उद्योग वाणिज्य महासंघको ५३औं वार्षिक साधारण सभाको उद्घाटन गर्दै सो कुरा बताएका हुन् । कानुनी विषयमा नमिलेका र अस्पष्ट रहेका छन् भने सरकार त्यसलाई समाधान गर्न तयार रहेको पनि उनले बताए ।
प्रधानमन्त्री ओलीले लगानीको वातावरण बनिसकेको छ, खुलेर उद्योग क्षेत्रमा लगानी गर्न निजी क्षेत्रलाई आग्रह गरे । स्वदेशी लगानीको वातावरण बनाउन सरकारले सबै कानुनी संरचना निर्माण गरिसकेका छन् । कानुनी संरचनाबाट कुनै समस्या आए उद्योग निजीलाई सरकार सच्याउन तयार भएको उनले बताए ।

प्रधानमन्त्री ओलीले सरकार सार्वजनिक निजी साझेदारी पीपीपी मा काम गर्न इच्छुक रहेको बताए । उनले पीपीपीका लागि निजी क्षेत्रभन्दा सरकार बढी उदार रहेकोमा जोड दिए । ‘अहिले सरकार पब्लिक प्राइभेट पार्टनरसिपमा काम गर्न सरकार विल्कुलै तयार छ । त्यसका लागि प्राइभेट सेक्टरभन्दा सरकार बढी उदार छ,’ प्रधानीमन्त्री ओली भने ।

प्रधानमन्त्रीले निजी क्षेत्रलाई लगानीका लागि राम्रो वातावरण बनाउन केके गर्नुपर्छ योजना बनाउन आग्रह गरे । उनले निजी क्षेत्र उद्योग व्यवसायीका आवश्यक माग पूरा गर्न तयार भएको बताए ।