चितवनमा जिपको ठक्करबाट एक पुरषको मृत्यु भएको छ। करिब ३५ वर्षीय पुरुषको सनाखत हुन नसकेकोे जिल्ला प्रहरी कार्यालय चितवनले जनाएको छ।

हेटौडाबाट नारायणगढतर्फ जाँदै गरेको बा १८ च ९८९६ नम्बरको जिपले विपरीत दिशाबाट गइरहेको साइकल यात्रीलाई पूर्वपश्चिम राजमार्गअन्तर्गत राप्ती नगरपालिका–४ लक्ष्मीनारारायण चोकमा ठक्कर दिएको थियो।

ठक्करबाट घाइते साइकलयात्रीको भरतपुरस्थित पुरानो मेडिकल कलेजमा उपचारका क्रममा मृत्यु भएको र शव भरतपुर अस्पतालमा राखिएको प्रहरीले जनाएको छ।