काठमाण्डौ । सरकारले चिनियाँ राष्ट्रपति सी जिनपिङको स्वागतका लागि आगामि २६ गते आइतबार सार्वजनिक बिदा दिने भएको छ । गृह मन्त्रालयको प्रस्तावमा सरकारले आइतबार सार्वजनिक बिदा दिन लागेको हो ।

चिनियाँ राष्ट्रपति सी दुई दिने राजकीय भ्रमणका लागि भोलि शनिबार नेपाल आउँदै हुनुहुन्छ ।
भ्रमणका क्रममा चिनियाँ राष्ट्रपति सीसहितको विशिष्ट पाहुनाले प्रधानमन्त्री केपी शर्मा ओलीसँग प्रतिनिधिमण्डलस्तरमा औपचारिक वार्ता गर्नुहुनेछ ।

२३ वर्षपछि हुन लागेको भ्रमणले आपसी मित्रता र सहकार्य थप अभिवृद्धि हुने विश्वास गरिएको छ । महत्वपूर्ण विषयमा सम्झौतासमेत हुने जनाइएको छ ।