कालापानीको विवाद मन्त्रालयको सचिव वा मन्त्रीस्तरीय वार्ताले मात्र टुंगो लगाउन नसकिने भन्दै उहाँले समकक्षी मोदीसँग प्रत्यक्ष वार्ता गर्न प्रधानमन्त्री केपी ओलीलाई सुझाव दिएका हुन् ।

झापाको बिर्तामोडमा बिहीबार बिहान प्रेस युनियनले आयोजना गरेको पत्रकार भेटघाट कार्यक्रममा बोल्दै नेता पौडेलले मुलुकको पश्चिमी क्षेत्रको सिमाना विवाद दीर्घकालिन रुपमा समाधानका लागि ‘प्रधानमन्त्री टू प्रधानमन्त्री’ वार्ता हुनुपर्नेमा उनले जोड दिए ।

राष्ट्रियता र मुलुकको सिमानाको विषय भएकाले सरकारलाई सहयोग गर्न कांग्रेस सधैं तयार रहेको नेता पौडेलको भनाइ छ । नेपालको कालापानी क्षेत्रलाई आफ्नो सिमानाभित्र पर्नेगरी नयाँ नक्सा जारी गरेको भारतसंग वार्ता गर्न सरकारले ढिलासुस्ती गरिरहेको उनले बताउए ।