पार्टी कार्यालय सानेपामा सोमबार बसेको सभापति देउवाइतर समूहका जिल्ला सभापतिहरुको भेलाले चार बुँदे ध्यानाकर्षण पत्र पेश गर्दै पार्टी नेतृत्व विधि र विधान भन्दा पनि बहुमतको आडमा अगाडी बढेको आरोप लगाएका छन् ।

पत्रमा काँग्रेसको गत बर्ष भएको महासमिति बैठक पश्चात बसेका केन्द्रीय कार्यसमिति बैठकले बहुमतका आधारमा गरेका निर्णयहरुप्रति आपत्ति जनाउदै ती निर्णयले पार्टीमा संशय, अन्यौलता र जटिलता थपेकोमा जिल्ला सभापतिहरुको गम्भीर ध्यानाकर्षण भएको उल्लेख छ ।

त्यस्तै महासमितिले पास गरेका दुई वटा मुलप्रस्तावलाई बहुमतको गणितबाट उल्ट्याएर सुरु भएको संवैधानिक सर्वोच्चता विरुद्धको आन्तरिक यात्रा गत पुस १६ गतेको बहुमतको निर्णय पार्टी परम्परा, संस्कार र लोकतान्त्रिक मूल्यमान्यता विपरित भएको सभापतिहरुको ठहर छ ।