काठमाडौं । प्रहरीले कपन क्षेत्रबाट एक लाखभन्दा बढी मास्क बरामद गरेको छ । मास्क भए पनि लुकाएर राखेको जानकारी पाएपछि आइतबार कपन क्षेत्रका फार्मेसी र सप्लायर्समा प्रहरीले छापा मारेको थियो ।

कोरोना भाइरसको संक्रमण बढेपछि बजारमा मास्कको माग बढेको छ । यही मौका छोपेर कालोबजारी बढेपछि प्रहरीले सुरु गरेको सर्च अप्रेसन जारी रहेको महानगरीय प्रहरी कार्यालय रानीपोखरीले जनाएको छ । यसअघि शनिबार काठमाडौंका स्वयम्भु क्षेत्रबाट ७८ हजार सर्जिकल मास्कसहित ८ जना पक्राउ परेका थिए ।