काठमाडौं । राष्ट्रपति विद्यादेवी भण्डारीले संवैधानिक परिषद्सम्बन्धी र राजनीतिक दल सम्बनधी अध्यादेश जारी गरेकी छन्।

सोमबार बसेको मन्त्रिपरिषद् बैठकले कुनै पार्टीको केन्द्रीय समिति वा संसदीय दलका ४० प्रतिशत सदस्यले पार्टी विभाजन गर्नसक्ने प्रावधान सहितको अध्यादेश ल्याउने निर्णय गरी राष्ट्रपतिलाई सिफारिश गरेको थियो।

राष्ट्रपति कार्यालयका सहायक प्रवक्ता केशव प्रसाद घिमिरेले राष्ट्रपतिले संवैधानिक परिषद् (काम, कर्तव्य, अधिकार र कार्यविधि) सम्बन्धी –पहिलो संशोधन) अध्यादेश २०७७ र राजनीतिक दलसम्बन्धी (दोस्रो संशोधन) अध्यादेश, २०७७ जारी गरेको जानकारी दिएका छन्।