काठमाडौ अछाममा बिहीबार एकै दिन २९ जनामा कोरोना सङ्क्रमण पुष्टि भएको छ । योसँगै अछाम जिल्लामा कोरोना सङ्क्रमितको सङ्ख्या ५१ पुगेको छ ।

अछामको साँफेबगर नगरपालिकाका ६ जना र मेल्लेख गाउँपालिकाका २३ जनामा सङ्क्रमण पुष्टि भएको हो । काठमाण्डौको टेकु प्रयोगशालामा गरिएको परीक्षणमा २९ जनामा सङ्क्रमण पुष्टि भएको अछाम अस्पतालका सूचना अधिकारी देव जोशीले जानकारी दिए । अहिलेसम्म अछाम जिल्लाका ५१ सङ्क्रमितमध्ये सात जना निको भएर घर फर्किसकेका छन् ।