काठमाडौं – काठमाडौं उपत्यकामा बुधबार १५९ जना कोरोना संक्रमित थपिएका छन्। पछिल्लो २४ घण्टामा काठमाडौंमा १३४, ललितपुरमा १७ र भक्तपुरमा ८ जनामा कोरोना संक्रमण देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले बताएका छन्।

योसँगै काठमडौंमा कोरोना संक्रमित हुनेको संख्या १९८७, ललितपुरमा १५० र भक्तपुरमा १७१ पुगेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले बताए। उपत्यकामा कोरोना संक्रमितको संख्या २४९९ पुगेको छ। २४ घन्टामा नेपालमा थप ६८१ जनामा कोरोना भाइरसको संक्रमण देखिएको छ।