काठमाडौं । संवैधानिक परिषदसम्बन्धी अध्यादेशबारे मौन रहँदै मन्त्रिपरिषद बैठकको नियमित बैठक सकिएको छ । अध्यादेश फिर्ता गर्ने बारे कुनै छलफल नभएपछि नेकपाको विवाद थप चर्किने आशंका बढेको हो ।

बुधबार भएको स्थायी कमिटीको बैठकले अध्यादेश फिर्ता गर्ने निर्णय गरेपनि आज बसेको मन्त्रिपरिषदको बैठकमा यसबारेमा कुनै छलफल नै नभएको सहभगी एक मन्त्रीले खरीबोटलाई जानकारी गराए । बैठकमा छलफल हुने अपेक्षा गरिएको भएपनि छलफल नभएको उनले बताए ।

अध्यादेश फिर्ता लिन मन्त्रिपरिषदले निर्णय गरेर राष्ट्रपतिलाई सिफारिश गर्नुपर्ने कानुनी प्रावधान रहेको छ । यस अघि अध्यादेश सिफारिश गर्दा समेत मन्त्रिपरिषदमा कुनै औपचारिक प्रस्ताव र छलफल बिना नै प्रधानमन्त्री केपी शर्मा ओलीले राष्ट्रपति कार्यालयमा पठाएका थिए ।

प्रधानमन्त्री ओलीले आज साँझका लागि संबैधानिक परिषदको बैठक बोलाएपनि नेकपाका नेताहरुको दबाब र बैठकमा गणपुरक संख्या नपुग्ने देखेर फिर्ता लिएको बताएको छ ।