काठमाडौं– नेपाली कांग्रेसका नेता नवीन्द्रराज जोशीले केपी शर्मा ओली नेतृत्वको सरकारले सहिदहरुको बलिदानबाट प्राप्त उपलब्धिमाथि प्रहार गरेको बताएका छन्। उनले ओलीको नेतृत्वमा सरकार बनेदेखि नै सहिदहरुको वलिदानबाट उपलब्धिमाथि प्रहार हुन थालेको बताएका हुन्।

गणेशमान सिंह अध्ययन प्रतिष्ठानले शुक्रबार काठमाडौंको शोभा भगवतीमा आयोजना गरेको कार्यक्रममा उनले सहिदहरुको बलिदानले दिलाएको राजनीतिक स्थिरतालाई कुल्चदै ८० वर्षदेखि संघर्षको उपज संविधानवाद्लाई मारेर सर्वसत्तावाद लादेको आरोप लगाए।

कार्यक्रममा सहिदहरु दशरथ चन्द र गंगालाल श्रेष्ठको शालिकमा माल्यार्पण गर्नुका साथै सहिहदहरुको सपना पूरा गर्न र देशमा व्यक्तिवाद तथा स्वेच्छाचारिताको अन्त्य गर्न भन्दै आधा धण्टा धर्ना समेत दिइएको थियो।