इटालियन क्लब युभेन्ट्स च्याम्पियन्स लिग फुटबल अन्तर्गत बुधबार राति भएको खेलमा पोर्टोसँग दुई एक गोल अन्तरले पराजित भएको छ।

घरेलु मैदानमा पोर्टोलाई जित दिलाउन मेहेदी तारेमी र मौसा मारेगाले एक एक गोल गरे । युभेन्ट्सका फेड्रिको चिसाले एक गोल फर्काए ।

खेलको पहिलो मिनेटमा तारेमीले गोल गर्दै पोर्टोलाई अग्रता दिलाएका थिए । खेलको ४६ औं मिनेटमा मौसाले गोल गरेपछि घरेलु टिम दुई शून्य गोलले अघि रह्यो ।

त्यसपछि खेलको ८२ औं मिनेटमा युभेन्ट्सका फेड्रिकोले एक गोल फर्काए पनि पोर्टो दुई एक गोलले विजयी भयो । जितसँगै पोर्टोको क्वाटरफाइनलमा पुग्ने सम्भावना बलियो बनेको छ ।

अब दोस्रो लेगमा पोर्टोलाई बराबरीले पुग्नेछ । युभेन्ट्सलाई भने दोस्रो लेगमा सानदार पुनरागमनको आवश्यकता देखिएको छ ।

युभेन्ट्सको घरेलु मैदानमा हुने दोस्रो लेग मार्च ९ मा हुनेछ ।