काठमाडौं । सरकारले प्रतिनिधिसभाको अधिवेशन २३ फागुनमा आह्वान गर्न राष्ट्रपति विद्यादेवी भण्डारीसमक्ष सिफारिस गरेको छ । मन्त्रिपरिषद्को शुक्रबार बसेको बैठकले सर्वोच्च अदालतको आदेश कार्यान्वयन गर्दै संसद अधिवेशन बोलाउन सिफारिस गर्ने निर्णय गरेको हो ।

यसअघि गत पुष गते प्रधानमन्त्री केपी शर्मा ओलीको सिफारिशमा राष्ट्रपति भण्डारीले प्रतिनिधिसभा विघटन गरेपछि सर्वोच्च अदालतले फागुन ११ गते प्रतिनिधिसभा पुन: स्थापना गर्दै फागुन २४ गते भित्र बैठक बोलाउन निर्देशात्मक आदेश दिएको थियो ।

सर्वोच्चको फैसलापछि आज पहिलो पटक मन्त्रिपरिषदको बैठक बसेको हो । यसअघि प्रधानमन्त्री ओलीले विहिबार साँझ राष्ट्रपति भण्डारीलाई भेटेर छलफल समेत गरेका थिए ।