नेकपा एमाले स्थायी कमिटि बैठक पुनः स्थगित भएको छ । आज विहान १० बजे बस्ने भनिएको नेकपा एमाले स्थायी कमिटी बैठक भोलि बिहान १० बजे सम्मलाइ स्थगित गरिएको हो ।

वैठक स्थगित भएको कार्यालय सचिव शेर बहादुर तामाङले जानकारी दिए ।
प्रधानमन्त्रीको सरकारी निवास बालुवाटारमा हिजो साँझ ५ बजेका लागि बैठक बोलाइएको थियो । तामाङ्गका अनुसार बैठक आज विहान १० बजे बस्ने गरेर स्थगन गरिएको थियो भने आज बस्ने भनिएको बैठक समेत स्थगित भएको छ ।

बैठकमा सरकारले अध्यादेशबाट ल्याएको बजेटको समीक्षा र देउवालाई प्रधानमन्त्री बनाउन हस्ताक्षर गर्ने १२ सांसदसँग मागिएको स्पष्टीकरणका सन्दर्भमा थप कारवाहीको प्रक्रिया अगाडी बढाउने तयारी भैरहेको छ ।
यस्तै कोभिड संक्रमणको विषय तथा आगामी रणनीतिको विषयमा पनि छलफल हुने जनाइएको छ ।
सचिव तामाङका अनुसार शिर्ष नेतृत्वको कार्यव्यस्तता र समय अभावका कारण बैठक स्थगन भएको हो । बैठक भोली बालुवाटारमा बस्ने तय भएको छ ।