काठमाडौं । भारतको दिल्लीस्थित एपोलो अस्पतालमा उपचारत नेकपा एमालेका बरिष्ठ नेता तथा पूर्व प्रधानमन्त्री झलनाथ खनालको स्वास्थ्य सुधारोन्मुख बनेको छ ।

पोष्ट कोभिडको समस्या देखिएपछि उपचारका लागि खनाल दिल्लीस्थित एपोलो अस्पताल भर्ना भएका छन् । खनालको फोक्सोमा देखिएको पानीको मात्रा घटेको र सामान्य वार्डमा राखिएको उनको सचिवालयले जनाएको छ । अहिले खनाल खाना खान सक्ने अवस्थामा रहेको पनि जनाइएको छ ।

दिल्ली लैजानु अघि खनालको काठमाडौंस्थित नर्भिक अस्पतालमा उपचार गरिएको थियो । पहिला पनि खनालले दिल्लीमै उपचार गराउँदै आएकाले पारिवारिक सल्लाहमा नर्भिक अस्पतालले सोही अस्पतालमा लैजान सुझाव दिएको थियो ।