भक्तपुरमा भरूवा बन्दुक फेला परेको छ ।
काठमाडौं-चाँगुनारायण नगरपालिका वडा नम्बर ६ पसलडाँडास्थित तेलकोट जाने हरिगुरू सडकमार्गमा बन्दुक फेला परेको हो ।
महानगरीय प्रहरी परिसर भक्तपुरका प्रहरी नायब उपरीक्षक राजु पाण्डेले बन्दुक फेला परेको जानकारी दिए ।
उनका अनुसार शनिबार बिहान ९ बजे पानी बग्ने ह्युम पाइपभित्र बन्दुक फेला परेको हो ।
‘बेवारिसे अवस्थामा बन्दुक फेला परेको हो । लोड भएको थिएन,’ पाण्डेले भने,‘कसको हुन सक्छ भनेर हामीले अनुसन्धान गर्दैछौं ।’
बन्दुक फेला परेको भन्ने खबर पाएपछि परिसर भक्तपुरबाट प्रहरीको टोली खटिएको थियो । सो टोलीले थप अनुसन्धान अघि बढाएको छ।