हेटौंडा – मकवानपुरको भीमफेदी गाउँपालिका-१ सुन्दरीमाईमा सुमो र मोटरसाइकल ठोक्किदा एकजनाको मृत्यु भएको छ।

बिहीबार दिउँसो त्रिभुवन राजपथअन्तर्गत सडक खण्डमा हेटौँडाबाट भैसेतर्फ जाँदै गरेको ना१ज ३४७२ नम्बरको सुमो र विपरीत दिशा तर्फबाट आउँदै गरेको ना४९प २५५६ नम्बरको मोटरसाइकल आपसमा ठक्कर खाई दुर्घटना हुँदा मोटरसाइकल चालकको मृत्यु भएको हो।

मृत्यु हुनेमा हेटौंडा-८ कमानेका ३१ वर्षका प्रमोदकुमार रिमाल रहेका छन्। दुर्घटनामा घाइते रिमालको उपचारको क्रममा हेटौंडा अस्पतालमा मृत्यु भएको हो। ठक्कर दिने सुमो तथा चालक प्रहरी नियन्त्रणमा रहेको जनाइएको छ।