काठमाडौँ – अर्थसचिव मधुकुमार मरासिनी केही दिनका लागि बिदामा बसेका छन् ।

अनाधिकृत व्यक्तिलाई मन्त्रालय छिराएर करको दरमा परिवर्तन गराएको लगायतका विषयमा अर्थमन्त्री जनार्दन शर्मा विवादमा तानिएपछि अर्थसचिव मरासिनी बिदामा बसेका हो। उहाँ आजैदेखि लागू हुने गरी अनिश्चितकालका लागि बिदामा बसेको बताइएको छ ।

बिदा बसेको विषयमा उनले प्रधानमन्त्री शेरबहादुर देउवा अर्थमन्त्री जनार्दन शर्मा र मुख्यसचिवलाई जानकारी गराएको बुझिएको छ । अर्थमन्त्री शर्माले राजीनामा नदिएसम्म मरासिनी अर्थमन्त्रालय नफर्कने मुडमा रहनुभएको श्रोतको दावी छ ।