काठमाडौं – नेकपा (एकीकृत समाजवादी) पार्टीका अध्यक्ष माधवकुमार संविधान मिच्ने शक्तिहरूसँग सहकार्य हुन नसक्ने बताएका छन् ।

उनले प्रगति र परिवर्तनको पक्षमा भएका तथा समाजवादको यात्रामा रहेका शक्तिहरूसँग सहकार्य गरेर अघि बढ्ने जनाए ।

प्रेस संगठन धनगढीले सोमबार बिहान आयोजना गरेको पत्रकार भेटघाटमा अध्यक्ष नेपालले चुनावअघि कुनै पनि पार्टीसँग एकता नगर्ने खुलासा गरे ।

वाम शक्तिलाई एक ठाउँमा ल्याउन विगतमा पनि आफूले भूमिका खेलेको बताउँदै उनले अझै पनि विभिन्न हिसाबले विचार मिल्ने वाम शक्तिहरूसँग सहकार्य गरेर जान तयार भएको जनाए ।