सुनसरी – प्रदेश-१ का मुख्यमन्त्री राजेन्द्रकुमार राईलाई मातृशोक परेको छ ।

मुख्यमन्त्री राईकी आमा ८४ वर्षीय धनकुमारी राईको आज (सोमबार) निधन भएको हो । स्वास्थ्यमा समस्या देखिएपछि उनलाई उपचारका लागि विराटनगरस्थित मोरङ सहकारी अस्पतालमा भर्ना गरिएको थियो । उपचारका क्रममा सोमबार बिहान राईको मृत्यु भएको हो ।

सोमबार विराटनगरमा श्रद्धाञ्जली दिएर अन्तिम दाह संस्कारका लागि भोजपुरको षडानन्द नगरपालिकामा लगिने मुख्यमन्त्री राजेन्द्र राईका राजनीतिक सल्लाहकार जीवन राईले बताए ।