संघीय संसद अन्तर्गत प्रतिनिधिसभाको कार्यकाल आज सकिने भएको छ ।
हिजो बसेको मन्त्रिपरिषद्को बैठकले संसदको कार्यकाल ५ वर्ष पूरा भएको निर्णय गरेसँगै कार्यकाल पूरा हुन लागेको हो ।
आज मध्यरातिदेखि संसदको ११ औं अधिवेशन अन्त्य गर्न सरकारले राष्ट्रपति विद्यादेवी भण्डारीलाई सिफारिस गरेको छ ।
सरकारको सिफारिस पछि राष्ट्रपति भण्डारीले संसद अन्त्यको पत्र पठाएकी छन् ।
आगामी प्रतिनिधि सभा र प्रदेश सभा निर्वाचनका लागि समानुपातिकतर्फका उम्मेदवारको बन्दसूची पेस गर्नुअघि नै प्रतिनिधि सभाको समयावधि सकिने प्रावधान छ ।
मंसिर ४ गतेका लागि तोकिएको निर्वाचनका लागि समानुपातिकतर्फका उम्मेदवारको बन्दसूची आइतबार र सोमबार बुझाउने निर्वाचन आयोगको कार्यतालिका छ ।
संसदको अन्तिम बैठक आज दिउँसो १ बजे बस्ने छ । आजको बैठक अन्तिम हुने छ ।
प्रतिक्रिया