काठमाडाैं – प्रधानमन्त्री एवम् नेपाली कांग्रेसका सभापति शेरबहादुर देउवाले लोकतन्त्रलाई स्थायी बनाउन गठबन्धन आवश्यक रहेको बताएका छन्।

शुक्रबार काठमाडौं निर्वाचन क्षेत्र नम्बर १० को सतुंगलमा आयोजित चुनावी सभालाई सम्बोधन गर्नुहुदै उनले मंसिर ४ गते एकै दिनमा हुन गइरहेको प्रतिनिधिसभा र प्रदेशसभा सदस्यको निर्वाचनले यसको फैसला गर्ने पनि बताए। लोकतन्त्र स्थायी गराउन गठबन्धन आवश्यक रहेको भन्दै देउवाले निर्वाचनपछि गठबन्धन सरकार १० देखि १५ वर्षसम्म जाने दावी गरे ।

प्रधानमन्त्री देउवाले भने,  ‘मंसिर ४ गते हुने निर्वाचनले नेपालको भविष्य कता लाने हो भन्ने फैसला गर्नुछ।”३३ प्रतिशत महिलाको अधिकार, आदिवासी जनजाति, दलित सबैलाई समावेसी हक दिएकोले अहिलेको समावेसी संविधान एवम् प्रजातन्त्रलाई बचाउनुपर्ने देउवाकाे भनाइ छ।