जनता समाजवादी पार्टी (जसपा)ले संसदीय दलको नेता चयन आज गर्ने भएको छ।

निर्वाचन कार्यतालिका अनुसार आज बिहान ११ बजेदेखि १२ बजेसम्म मनोनयन दर्ता हुने र अन्य प्रक्रिया पूरा गरेर २ः३० बजेदेखि ३ः३० बजेसम्म मतदान हुनेछ । निर्वाचन सकिएलगत्तै परिणाम सार्वजनिक गर्ने जसपा संसदीय दलको कार्यालयले जनाएको छ ।

प्रतिनिधि सभामा जसपाका १२ जना सांसद छन् । अध्यक्ष उपेन्द्र यादव गत मंसिर ४ को निर्वाचनमा पराजित भए पछि जसपामा समस्या देखिएको छ । त्यस्तै अहिले संघीय परिषद् अध्यक्ष अशोक राईले जसपाको नेतृत्व गर्न थालेका छन ।

यद्यपि संसदीय दलको नेता को चयन हुन्छ भन्ने टुंगो नभएको सो पार्टीका नेताहरुले बताएका छन् । दलको नेताको रुपमा राईसँगै राजकिशोर यादवले पनि दाबी गरेका छन् । राई र यावद दुवैले दाबि गरेपछि निर्वाचननै हुने सम्भावना बढेको छ ।