काठमाडौं । प्रमुख प्रतिपक्षी दल नेकपा एमालेले अवरोध गरेपछि राष्ट्रियसभाको बैठक स्थगित भएको छ ।

सुन तस्करी प्रकरणमा उच्चस्तरीय छानबिन समिति नबनेसम्म बैठक चल्न नदिने बताएपछि अध्यक्ष गणेश तिमिल्सिनाले अर्को बैठक भदौ १० गतेसम्मका लागि स्थगित गरिएको जानकारी दिए । भदौ १० गते बैठक १ बजेर १ मिनेटमा बस्ने गरी स्थगित भएको छ । एमालेले आफ्नो मागमा सरकार गम्भीर नभएको भन्दै संसद अवरोध गर्दै आएको छ ।