काठमाडौं । काठमाडौं महानगरपालिकाका मेयर बालेन शाहले शिक्षा विभागका प्रमुख सीताराम कोइरालालाई ७ दिने स्पष्टीकरण सोधेका छन् । बालेनले कोइरालालाइ केही दिन बिदामा बस्न पनि निर्देशन दिएका छन् ।

कोइरालासंग महानगरको शिक्षा बोर्डको सहमतिविना मध्यबानेश्वरस्थित रत्नराज्य क्याम्पसलाइ प्लस टु चलाउन अनुमति दिएको आरोपमा स्पष्टीकरण सोधिएको हो । यसअघि विद्यासुन्दर शाक्यको पालामा पनि रत्नराज्यलाई प्लस टुको अनुमति दिने विषय विवादित बनेको थियो ।

काठमाडौं नगरसमितिको बैठकमा यस विषयमा छलफल चलेपनि निर्णय भने भइनसकेको बताइएको छ ।