काठमाडौं। त्रिकोणात्मक टी २० अन्तर्राष्ट्रिय क्रिकेट शृंखलाअन्तर्गत आजको खेलमा नामिबियाले नेपाललाई २०७ रनको लक्ष्य दिएको छ।

टस जितेर ब्याटिङ गरेको नामिबियाले निर्धारित २० ओभरमा ३ विकेट गुमाएर २ सय ६ रन बनाएको हो । नामिबियाका जान निकोल लफ्टी इटोनले एक सय १ रन जोडे।

उनले ३६ बलमा ८ छक्का र ११ चौका प्रहार गरेका थिए। लोफ्टीले टी-२० आई क्रिकेटमा कुशल मल्लको कीर्तिमान तोडेका छन् । ३३ बलमा शतक पूरा गर्दै लोफ्टीले कुशलको कीर्तिमान तोडेका हुन् । कुशलले चीनमा मंगोलियाविरुद्ध ३४ बलमा शतक पूरा गरेका थिए ।