सोल (एजेन्सीहरु)– दक्षिण कोरियाको मुआन अन्तर्राष्ट्रिय विमानस्थलमा आइतबार भएको जेजु एयरको विमान दुर्घटनामा हालसम्म ज्यान गुमाउनेको संख्या १७९ पुगेको छ । थाइल्याण्डको बैंककबाट फर्किएको जेजु एयरको विमान दक्षिण–पश्चिममा पर्ने मुआन अन्तर्राष्ट्रिय विमानस्थलमा अवतरणका क्रममा आइतबार विहान दुर्घटनामा परेको हो

विमानमा चालकदलका ६ सदस्यसहित १८१ जना यात्रु रहेको बताइएको छ । ल्यान्ड गर्ने क्रममा रनवेबाट चिप्लिएर पर्खालमा ठोक्किएपछि आगलागी भएको भिडियोहरु सार्वजनिक भएका छन् । सामाजिक सञ्जालमा फैलिएका भिडियोहरूमा विमान ठोक्किएपछि ठूलो आगलागी र कालो धुवाँको मुस्लो देखिएको छ।

अग्नि नियन्त्रण विभागले दुई जनालाई जीवितै उद्धार गरेको जानकारी दिएको छ । तीमध्ये एकजना यात्रु र अर्का चालक दलका सदस्य रहेका छन् । विमानको पछिल्लो भागबाट उद्धार कार्य जारी छ ।

विमानमा १७३ जना दक्षिण कोरियाली र दुई जना थाइ नागरिक रहेको बताइएको छ ।