काठमाडौं । पूर्वयुवराज पारस शाह अस्पताल भर्ना भएका छन् । उनलाई हृदयघात भए पछि अस्पताल भर्ना भएका हुन् । उनी काठमाडौंको थापाथलीस्थित नर्भिक अस्पतालमा आइतबार बेलुका भर्ना भएका थिए ।

आइतबार नै उनको एनजीओप्लास्ट गरिएको छ । उनको अवस्था अहिले सामान्य रहेको जनाइएको छ । पारसलाई चौथो पटक हृदयघात भएको हो । यसअघि उनमा २०७५ माघ महिनामा हृदयघात भएको थियो । त्यसअघि पनि थाइल्याण्डमा रहँदा र अर्को एक पटक पनि हृदयघात भएको थियो ।