काठमाडौं– त्रिभुवन विश्वविद्यालयले सबै परीक्षा स्थगित गरेको छ।

बिहीबार बसेको त्रिवि केन्द्रीय परीक्षा संचालक समितिको बैठकले कोरोना संक्रमण बढ्दै गएको भन्दै परीक्षा स्थगित गर्ने निर्णय गरेको हो।

विश्वव्यापी रुपमा फैलिएको कोभिड-१९ को ओमिक्रोन भेरियन्टको तीब्र संक्रमणका कारण उपत्यका र बाहिरका अधिकांश परीक्षा केन्द्रमा परीक्षासँग सम्बन्धित विद्यार्थी, कर्मचारी एवं प्राध्यापकसमेत संक्रमित भएका कारण परीक्षा रोकिएको त्रिविले जनाएको छ।

हाल त्रिविद्वारा संचालित वार्षिक तथा सेमेष्टर प्रणालीका सबै परीक्षा माघ ९ गतेदेखि अर्को सूचना प्रकाशित नभएसम्मका लागि स्थगित गरिएको जनाइएको छ।