काठमाडौ । गृह मन्त्रालयले भिजिट भिषामा खाडी र मलेसिया जान रोक लगाउने निर्णय केही संशोधन गरेको छ ।

आइतबार मन्त्रालयद्वारा जारी विज्ञप्तीअनुसार सरकारी कामको सिलसिलामा जानुपर्ने सरकारी प्रतिनिधिहरु, अन्तरराष्ट्रिय कारोबार गर्ने बैंक तथा वित्तिय संस्थाका प्रतिनिधिहरु एवम् अन्तरर्राष्ट्रिय गैह्र सरकारी संस्थाका प्रतिनिधीहरु भिजिट भिषामा जान सक्नेछन् ।

यसैगरि नेपालमा सामान आयात–निर्यात गर्ने व्यवसायिक संस्थाका प्रतिनिधी र खाडी राष्ट्रबाहेक अन्य दुई देशको पर्यटक भिषामा भ्रमण गरिसकेकाले पनि भिजिट भिषामा जान सक्नेछन् ।