काठमाडौं-आगामी बैशाखदेखि नयाँ शैक्षिक सत्र सुरु हुने भएको छ ।

कोरोना भाइरस संक्रमणको कारण विभिन्न समयमा विद्यालय बन्द हुँदा यो शैक्षिक सत्रको नतिजा चैतमा हुन नसक्ने वैशाखदेखि नयाँ शैक्षिक सत्र सुरु गर्न लागिएको हो ।
नयाँ शैक्षिक सत्र प्रारम्भ भएपछि २०७९ सालको वैशाख महिना भर भर्ना अभियान र जेठ १ गतेदेखि पठनपाठन सुरु गर्ने शिक्षा मन्त्रालयले निर्णय गरेको छ ।

शिक्षा मन्त्रालयको बुधबार मन्त्रालयमा बसेको सचिवस्तरीय बैठकले यस्तो निर्णय गरेको शिक्षा, विज्ञान तथा प्रविधि मन्त्रालयले जनाएको छ ।

सरकारको यो निर्णयसँगै अब विद्यालयहरूले चैतसम्म विद्यार्थीको सबै कोर्ष पूरा गरी परीक्षा लिनुपर्नेछ ।