वीरगञ्ज – बारामा तेल ट्याङ्करमा आगलागी हुँदा एक जनाको मृत्यु भएको छ ।

जीतपुर सिमरा उपमहानगरपालिका–२१ अमलेखगञ्ज बस्ने ३० वर्षीय लक्ष्मण श्रेष्ठको मृत्यु भएको हो । बिहीबार अपराह्न १६ः४० बजे अमलेखगञ्जस्थित आयल निगम भित्र ना।४ ख.२६५६ नं.को पेट्रोल ट्यांकरमा आगलागी भएको थियो ।

पेट्रोल अनलोड गर्न पार्किङ गरी राखेको अवस्थामा ब्याट्रीको तार सर्ट भइ ट्यांकरको क्याबिनमा आगलागी हुँदा सहचालक श्रेष्ठ घाइते भएका थिए । शरीर जलेर गम्भीर घाइते भएका उनलाई सुरुमा सिमरास्थित अल्पाइन अस्पतालमा लगिएको थियो ।