काठमाडौँ – अहिले काठमाण्डौ उपत्यकाका धेरै ठाउँमा ठूलो पानी परिरहेको छ ।

झन्डै २र३ घण्टा ठूलो पानी पर्ने सम्भावना रहेको मौसमविद् वरुण पौडेलले जानकारी दिए ।

उपत्यकाका सबैजसो ठाउँमा ठूलो पानी पर्ने र केहीबेर रोकिएर पुनः पानी पर्ने सम्भावना रहेको उनले बताए । उपत्यकासहित देशभर अझै केही दिन मौसम बदली भइ धेरैजसो ठाउँमा पानी पर्ने सम्भावना रहेको मौसम पूर्वानुमान महाशाखाले जनाएको छ ।

अहिले नेपालमा मनसुन र स्थानीय वायुुसँगै भारतको उत्तर प्रदेश तथा बिहारमा रहेको पूर्व पश्चिमी न्यून चापीय रेखाको प्रभाव रहेको छ । मनसुन सक्रिय भएर दशेभर फैलने क्रममा रहेकोले पनि पानी पर्ने सम्भावना धेरै हुने मौसमविद् पौडेलले बताए ।

अहिले मनुसन प्रदेश १ मा रहेको छ भने प्रदेश २ का केही ठाउँमा पनि मनसुन सक्रिय हुन थालेको र केही दिनमा काठमाण्डौ उपत्यका हुँदै पश्चिमतिर लाग्ने उहाँले बताए ।