काठमाडौं – नेकपा (एमाले)को पोलिटब्यूरो बैठक पार्टी केन्द्रिय कार्यालय च्यासलमा जारी छ ।

आसन्न प्रदेशसभा र प्रतिनिधिसभा निर्वाचनको तयारीमा केन्द्रित रहेर बैठक सुरु भएको हो ।

बैठकमा शुक्रबारबाट सुरु हुने पार्टी केन्द्रिय कमिटी बैठकका प्रस्तुत हुने एजेन्डा र राजनीतिक प्रतिवेदनको विषयमा कन्द्रित भई छलफल हुने एमालेले जनाएको छ ।

बैठकमा प्रदेशसभा र प्रतिनिधिसभा निर्वाचनका लागि पार्टीबाट उठने उम्मेदवारहरुको मापदण्डका विषयमा पनि छलफल हुने छ ।

गत साउन २६ गते बसेको एमालेको केन्द्रिय सचिवालय बैठकले अध्यक्ष केपी शर्मा ओलीको नेतृत्वको निर्वाचन परिचालन कमिटी र वरिष्ठ उपाध्यक्ष ईश्वर पोखरेलको नेतृत्वमा ८ सदस्यीय चुनावी घोषणा पत्र मस्यौदा समिति निर्माण गरिसकेको छ ।