काठमाडौँ – नेकपा एमाले अध्यक्ष केपी शर्मा ओलीले पूर्व सहकर्मी पुष्पकमल दाहाल ‘प्रचण्ड’को चर्को आलोचना गरेका छन् ।

माओवादी केन्द्र चितवनका नेता यमबहादुर परियारलाई पार्टी प्रवेश गराउँदै उनले आफूलाई दाहालले पार्टीबाट निष्कासन गरेको बताए ।

एकीकृत पार्टी बनाउँदै, बलियो वामपन्थी आन्दोलन मार्फत समाजवादतर्फ अघि बढौं भनेर आफूले दाहाललाई आफ्नो सिटको छेउमा राखेको ओलीको तर्क छ ।

पार्टीमा आफूले दाहाललाई अँगालो हालेको भएपनि उनले छुरी रोपेको ओलीको आरोप छ ।

आफूले दिएको वरदान प्रयोग गरेर प्रचण्डले आफैंलाई उल्टै भष्म पार्न खोजेको ओलीले आरोप लगाए ।