काठमाडौ. । भुटानी मानव अधिकारबादी नेता टेकनाथ रिजाललाई प्रहरीले नियन्त्रणमा लिएको छ । नेपालीलाई भुटानी शरणार्थी बनाएर अमेरिका पठाउनेसम्बन्धी ठगी कार्यमा उनले समेत मिलेमतो गरेको आंशकामा प्रहरीले रिजाललाई आज सोधपुछका लागि बोलाएको थियो । रिजाललाई झापाबाट काठमाडौं आएको बताइएको छ ।

सोही अनुसार जिल्ला प्रहरी परिसर काठमाडौँमा पुगेका रिजाललाई प्रहरीले नियन्त्रणमा लिएको हो । यसअघि भुटानी शरणार्थी प्रकरणमा पक्राउ परेका बिचौलियाले रिजाललाई मुछेका थिए । राईले बयानका क्रममा रिजाललाई ७ लाख रुपैयाँ दिएको बिचौलियाको दाबी गरेका थिए । तर रिजालले त्यो पैसा अर्के प्रयोजनका लागि लिएको तर फिर्ता गरेको सार्बजनिक गरेका थिए ।