नवलपरासी । निर्वाचनविरोधी गतिविधिमा संलग्न भएको आरोपपमा प्रहरीले नवलपरासीको परासीबाट बिहीबार राष्ट्रिय जनता पार्टी (राजपा) नेपालका ६ जना नेता–कार्यकर्तालाई पक्राउ गरेको छ ।

पक्राउपर्नेमा राजपाका केन्द्रीय उपाध्यक्ष गोविन्द चौधरी, जिल्ला संयोजक पुरन चौधरी, विजय अग्रहरी, राधेरमण पाण्डे, ओमप्रकाश चौधरी र अभिमन्यु यादव रहेको जिल्ला प्रहरी उपरीक्षक राजेन्द्रप्रसाद चौधरीले बताए ।

उनीहरुलाई परासी सदरमुकामको मञ्जरीयाचोकबाट पक्राउ गरिएको हो । गाडी र मोटरसाइकलमा कालोझन्डा राखेर स्थानीयलाई डर–धम्की दिँदै निर्वाचनविरोधी क्रियाकलाप सन्चालन गरेको आरोपमा उनीहरुलाई पक्राउ गरिएको जनाइएको छ ।