काठमाडौं । सरकारले महिलाहरुको फिस्टुला र क्यान्सर परीक्षण पनि निशुल्क गर्ने घोषणा गरेको छ ।सुरक्षित मातृत्व दिवसको अवसरमा आयोजित कार्यक्रममा स्वास्थ्य राज्यमन्त्री पद्मा अर्यालले महिलाहरुलाई फिस्टुवा र क्यान्सरको परीक्षण पनि निशुल्क गर्ने घोषणा गरेकी हुन् ।

यो कार्यक्रम वैशाखदेखि असारसम्मभित्र लागू गरिने स्वास्थ्य राज्यमन्त्री अर्यालले बताइन् ।यसअघि गत वर्षदेखि सरकारले पाठेघरको मुख र स्तन क्यान्सरको परीक्षण निशुल्क गरेको थियो । सरकारले सबै स्थानीय तहमा सुरक्षित मातृत्व कोष खडा गर्ने पनि घोषणा गरेको छ ।दिवसको अवसरमा स्वास्थ्य सेवा विभागको परिवार स्वास्थ्य महाशाखाले त्रिवि शिक्षण अस्पतालमा आयोजित कार्यक्रममा राज्य मन्त्री अर्यालले भनिन् ‘एक पालिका एक सुरक्षित मातृत्व कोष अभियान देशव्यापी बनाइनेछ, यो कोष आकस्मिक प्रसुति सेवामा उपयोग र प्रयोग गरिनेछ ।’

यो कार्यक्रम भने सरकारले साउन, भदौ र असोज महिनाभित्र सुरु गर्ने सरकारको तयारी छ ।त्यस्तै सार्वजनिक विद्यामलयमा पढ्ने छात्राहरुलाई स्यानिटरी प्याड वितरण गर्ने पनि मन्त्री अर्यालले बताइन् ।