काठमाडौं। साढे ३३ किलो सुन प्रकरणका मुद्दामा प्रतिवादीका कानुन व्यवसायीहरुले आजबाट थुनछेक बहस शुरु गर्दैछन् ।मुद्दाका प्रतिवादीमध्ये प्रहरी नियन्त्रणमा रहेका ३० अभियुक्तका तर्फबाट बहस हुनेछ ।

प्रतिवादीको तर्फबाट बहस गर्न ८० जना कानुन व्यवसायीले अदालतमा नाम दर्ता गराएका छन् ।यसअघि सात जना सरकारी वकीलले जिल्ला अदालत मोरङसमक्ष बहस गरेका थिए ।

सनम शाक्यको हत्यामा प्रहरीसहित ६३ जनालाई प्रतिवादी बनाएर मुद्दा दायर गरिएको छ ।उनीहरुमाथि सन् २०१५ यता ३८ क्वीन्टल सुन चोरी निकासी गरेको दावीसहित सुन चोरी निकासीको अवैध कारोबार, अपहरण तथा शरीर बन्धक र कर्तव्य ज्यानसम्बन्धि मुद्दा लगाइएको छ ।

सुन तस्करी प्रकरणका मुख्य अभियुक्त चुडामणि उप्रेती गोरे भने अझै फरार छन् ।