काठमाडौं । पोखरास्थित सिर्जना चोकमा रहेको जनएकता बचत तथा ऋण सहकारीबाट ९ लाख १४ हजार ४ सय ५ रुपैयाँ चोरी गर्ने समूहका तीन जना सदस्य पक्राउ परेका छन् ।

गत भदौ ३१ गते सहकारीको सेफमा राखेको उक्त रकम चोरेको थियो ।चोरीमा संलग्न दुई महिला र एक पुरुष गरी ३ जनालाई पक्राउ गरेको जिल्ला प्रहरी कार्यालय कास्कीले जनाएको छ ।

पक्राउ पर्नेमा पोखरा ७ एयरपोर्ट बस्ने २२ वर्षीया विनिता गुरुङ, पोखरा १५ रामबजार बस्ने अञ्जली गुरुङ र पोखरा ६ गौरीघाट बस्ने १८ वर्षीय कमल ठगुन्ना छन् ।