काठमाडौं । देशभर विभिन्न कार्यक्रम गरेर २९७ औं पृथ्वी जयन्ती मनाइएको छ । शुक्रबार सिंहदरबारको पश्चिममूलद्वारस्थित शालिकमा माल्यार्पण गर्दै उनको सम्झना गरिएको छ ।

राष्ट्रिय प्रजातन्त्र पार्टी (राप्रपा)ले चियापानको आयोजना गरेर विशेष ढंगले पृथ्वी जयन्ती मनाएको छ । १७७९ साल पुस २७ गते गोर्खामा जन्मिएका पृथ्वीनारायण शाहले बाइसे चौबिसेको सङ्ख्यामा रहेका स–साना टुक्रा राज्यलाई एकीकरण गरी आधुनिक नेपालको निर्माण गरेका हुन् ।

राज्य सञ्चालनका सिलसिलामा उनले त्यसबेला व्यक्त गरेका विचार अहिले पनि उत्तिकै सान्दर्भिक छन्।