ललितपुर । ललितपुरको सानेपामा दुर्घटनामा एक पत्रकारसहित दुई जनाको मृत्यु भएको छ । प्रहरीका अनुसार दुई जीप र एक मोटरसाइकल ठोक्किँदा घाइते भएका दुई जना मोटरसाइकलमा सवार नुवाकोटका २८ वर्षीय चन्द्रमणि मधुहारी र गोदावरी, ललितपुरका ४० वर्षीय गोविन्द घिमिरे शर्माको नर्भीक अस्पतालमा उपचारको क्रममा मृत्यु भएको छ ।

मृत्यु हुने घिमिरे नेपाल कृषि पत्रकार प्रतिष्ठानका अध्यक्ष तथा कृषि टेलिभिजनका संचालक समेत हुन् । प्रहरीले दुई जिप आपसमा ठोक्किदा स्कर्पियो गाडी गएर मोटरसाइकललाई ठक्कर दिएको बताएको छ । घटनाको अनुसन्धान भैरहेको प्रहरिले जनाएको छ ।