काठमाण्डौ । बिहीबार साँझ सुदूरपश्चिम क्षेत्रबाट सुरु भएको मौसममा बदली हुने क्रम अहिले पश्चिम र मध्य क्षेत्र हुँदै पूर्वमा समेत सक्रिय भएको मौसम पूर्वानुमान महाशाखाले जनाएको छ। महाशाखाले आगामी ३ दिनसम्म मेघ गर्जनसहित वर्षा तथा हावाहुरीको समेत सम्भावना रहेको स्पष्ट पारेको छ।
आज आगामी ३ दिनको मौसमी विवरण सार्वजनिक गर्दै महाशाखाले शुक्रबार पश्चिम, मध्य तथा पूर्व क्षेत्रमा हावाहुरी तथा मेघ गर्जनसहित वर्षाको सम्भावना रहेको जनाएको छ। ’शुक्रबार दिउँसो देशका पूर्वी र मध्य भू(भागमा सामान्य बदली रहने र पश्चिमी भू(भागमा आंशिक बदली रही पश्चिमी भू(भागका थोरै स्थानहरु र मध्य तथा पूर्वी भू(भागका केही स्थानहरुमा हावाहुरी मेघ गर्जनसहित वर्षाको सम्भावना छ,’ महाशाखाले उल्लेख गरेको छ।
आज देशका उच्च हिमाली भेगका केही स्थानहरुमा हल्का हिमपातको समेत सम्भावना रहेको बताइएको छ।