विद्युतीय सवारी साधनमा यतिबेला सबैको चासो बढेको छ । सञ्चालन खर्च कम हुने र वातावरणमैत्री विशेषता रहेकाले विद्युतीय सवारीमा सबैको आकर्षण बढेको हो । “पेट्रोल, डिजलबाट चल्ने सवारी सधानको तुलनामा विद्युतीय सवारी साधनको सञ्चालन खर्च ४० प्रतिशतसम्म कम हुन्छ,” विद्युतीय सवारी परिवहन संघका अध्यक्ष उमेश श्रेष्ठले भने, “इन्जिन नहुने र मोबिल पनि नलाग्ने हुँदा गियरबक्स, क्लजप्लेटजस्ता पार्ट्सको मर्मत गर्ने झन्झट यसमा हुँदैन । त्यसैले मर्मत र सर्भिसिङ शुल्कमा पनि बचत हुन्छ ।”