तीनै जनाले निजामती सेवामा तोकिएको उमेर हदका कारण अनिवार्य अवकास पाउन लागेका हुन् । विशिष्ट श्रेणीमा पदोन्नति भएको ५ वर्ष पूरा गरेपछि सेवाबाट अनिवार्य अवकास हुने कानुनी व्यवस्था छ । आज अवकास हुन लागेका तीन जनाले नै ०७१ साउनमा सचिवमा पदोन्नति पाएका थिए ।

अर्का वरिष्ठ सचिव विष्णु लम्साल सचिवबाट बिदा भए पनि उनले अवकासको मुखैमा अर्को जिम्मेवारी पाएका छन् । उनलाई यसअघि बसेको मन्त्रिपरिषद् बैठकले प्रशासनिक प्रशिक्षण प्रतिष्ठानको वरिष्ठ अध्ययन निर्देशकमा नियुक्ति गरेको हो । त्यहाँ उनको कार्यकाल २ वर्षको हुनेछ ।

आर्थिक वर्ष २०७६/७७ को पहिलो महिनामै अन्य २ सचिवले पनि अवकास पाउँदैछन् । साउनमै अवकास पाउनेमा युवा तथा खेलकुद मन्त्रालयका सचिव कृष्ण देवकोटा र विज्ञान तथा प्रविधि मन्त्रालयका सचिव कृष्णराज बीसी छन् । दुवै सचिवले ५८ वर्षे उमेर हदका कारण बिदा पाउन लागेका हुन् ।