मकवापुरको हेटौंडा उपमहानगरपालिका–१९ मा बस दुर्घटना हुँदा एक जनाको मृत्यु भएको छ ।

पूर्व–पश्चिम राजमार्गअन्तर्गत नेवारपानीमा भएको उक्त दुर्घटनामा अरु १५ जना घाइते भएका छन् ।

काठमाडौंबाट रौतहटतर्फ जाँदै गरेको ना ५ ख २२३३ नंको बस अनियन्त्रित भई पल्टिएर बिजुलीको खम्बामा ठोक्किँदा सर्लाहीको रामनगर बोरहवाका ५८ वर्षीय मुकेश शर्माको मृत्यु भएको जिल्ला प्रहरी कार्यालय, मकवानपुरले जनाएको छ । अन्य १५ यात्रु घाइतेहरुको चितवन र मकवानपुरका विभिन्न अस्पतालमा उपचार भइरहेको छ ।