प्रधानमन्त्री केपी शर्मा ओलीले साँझ ५ बजे सर्वदलीय बैठक आह्वान गरेका छन । संसदमा हाल नेपाल कम्युनिस्ट पार्टी ‘नेकपा’, नेपाली कांग्रेस, समाजवादी र राजपा गरी ४ दल छन् ।

दलहरूबीच केही समयदेखि संवादहीनताको अवस्था रहिरहेका बेला प्रधानमन्त्री ओलीले मंगलबार सर्वदलीय बैठक डाकेका हुन् । साँझ ५ बजे प्रधानमन्त्री निवास बालुवाटारमा बस्ने बैठकमा संसदमा प्रतिनिधित्व गर्ने सबै दलहरूलाई बोलाइएको प्रधानमन्त्री ओलीका प्रेस संयोजक चेतन अधिकारीले जानकारी दिए ।

बैठकमा प्रधानमन्त्रीले समसामयिक राजनीतिक विषय र आफ्नो आसन्न सिंगापुर भ्रमणबारे जानकारी गराउने बताइएको छ ।