काठमाडाै –नेपाली कांग्रेसका उपसभापति बिमलेन्द्र निधिले सरकारका पछिल्ला कार्यशैली मुलुकको समग्र राज्य सञ्चालन व्यवस्थामाथि नै खतरनाक संकेतको रुपमा आएको बताउनु भएकाे छ ।

उहाँले प्रमुख विदेश जानुपर्ने भएपछि भिडियो कन्फरेन्समार्फत मन्त्रिपरिषद् बैठक बस्न सक्ने गरी कानूनमै संशोधन गरिनु सिंगो व्यवस्थामाथिको प्रहार भएको बताउनु भएकाे हाे  । उहाँले अधिनायकवादी प्रवृत्तिबाट कानून नै परिर्वतन गरेर मन्त्रिपरिषद् बैठक सञ्चालन गर्न नपाईने भन्दै तत्काल कार्यविधि सच्याउन सरकारलाई चेतावनी दिनुभयाे ।

सरकार प्रणालीमा टेकेर प्रणालीलाई नै सिध्याउँने खेलमा लागेको भन्दै उहाँले कम्युनिस्ट स्टेट विरुद्धको आन्दोलनका लागि तयारी अवस्थामा रहन युवाहरुलाई निर्देशन दिनुभयाे  ।