चितवन । आफूलाई भ्रष्टाचारविरोधी नागरिक अभियन्ता बताउँदै आएका ज्ञानेन्द्र शाहीमाथि आज चितवनमा आक्रमण भएको छ । कार्यक्रमस्थल जाने क्रममा दिउसो पौने तीन बजे चितवनको ग्लोबल होटलबाट निष्किने क्रममा शाहीमाथि आक्रमण भएको हो ।

पाँच छ जनाको संख्यामा आएको युवाको समूहले शाही माथि आक्रमण गर्दा उनी घाइते भएका छन् । उनलाई उपचारका लागि अस्पताल लगिएको छ ।

शाही चढेको माइक्रो बसमा पनि आक्रमणकारीले तोडफोड गरेका छन् ।

चितवनको चौविसकोटीमा आयोजना गरिएको कार्यक्रमलाई शाहीले संबोधन गर्ने तयारी गरिरहेका थिए ।